అధికార మదం తలకెక్కించుకుని అడ్డగోలుగా అవినీతికి, అక్రమాలకు పాల్పడుతున్న యుపిఎ సర్కారు బిజెపి పాలిత రాష్ట్రాలను వేధించేందుకు తింటోంది. ముఖ్యంగా ఆర్థికపరమైన విషయాల్లో ఈ వేధింపులు మరీ మితిమీరిపోయాయి. ప్రధాన మంత్రి మన్మోహన్ సింగ్ కనుసన్నల్లోనే ఈ తంతు కొనసాగుతోంది’ అని ఈ అద్వానీ తీవ్రస్థాయిలో విమర్శలు గుప్పించారు. కాంగ్రెస్ నేతృత్వంలోని యుపిఎ సర్కారు అనుసరిస్తున్న ఈ వివక్షాపూరిత వైఖరిపై వివిధ రాష్ట్రాలు గత వారం జరిగిన జాతీయ అభివృద్ధి మండలి సమావేశంలో తీవ్ర నిరసనను వ్యక్తంచేసి ప్రధాన మంత్రిని నిలదీశాయని ఆయన అన్నారు. ‘గత వారం జరిగిన జాతీయ అభివృద్ధి మండలి సమావేశం కేంద్ర ప్రభుత్వం అనుసరిస్తున్న వివక్షపై నిరసనను వ్యక్తం చేసేందుకు కాంగ్రెస్ యేతర రాష్ట్ర ప్రభుత్వాలకు వేదికగా మారింది. కేంద్రం అనుసరిస్తున్న వివక్షాపూరిత విధానాలను తమిళనాడు ప్రభుత్వ ప్రతినిధులు ఈ సమావేశంలో ఎండగట్టారు. చివరకు యుపిఎలో భాగస్వామిగా ఉన్న తృణమూల్ కాంగ్రెస్ అధినేత్రి, పశ్చిమ బెంగాల్ ముఖ్యమంత్రి మమతా బెనర్జీ కూడా తీస్తా జలాల పంపకం విషయమై తాము లేకుండానే కేంద్రం బంగ్లాదేశ్‌తో సంప్రదింపులు జరపడంపై ఈ సమావేశంలో ఫిర్యాదు చేశారు’ అని అద్వానీ అన్నారు.
http://www.andhrabhoomi.net/national/advani-083
No comments:
Post a Comment